பனைமரம் = நீதிமான்கள்

நீதிமான் பனையைப்போல் செழித்து, லீபனோனிலுள்ள கேதுருவைப்போல் வளருவான். 

சங்கீதம் 92:12

பனைமரம் = நீதிமான்கள் →

பனைமரம் மூலம் நாம் கற்றுக் கொள்ள வேண்டிய ஆவிக்குரிய சத்தியங்கள்

1) பனைமரம் வனாந்திரத்தில் இருந்தாலும் அதின் இலைகள் பச்சையாக இருக்கும். ஏற்ற காலத்தில் கனி கொடுக்கும். (நான் தோட்டத்தில் இல்லை வனாந்திரத்தில் இருக்கிறேன் கனி கொடுக்க முடியாது என்று கூறுவதில்லை) = அது போல நாம் வனாந்திரத்தில் (உலகம்) இருந்தாலும் கனி கொடுக்க வேண்டும் (கலா 5:22,23)

2) பனை மரத்துக்கு ஆணி வேர் கிடையாது (ஆணி வேர் பூமியை இறுக பற்றி கொள்ளூம் வேர்) = அது போல நாமும் உலகத்தானாக ஜிவிக்காதபடி இருக்க வேண்டும் (யோ 17:14)

3) பனை மரத்துக்கு கிளைகள் கிடையாது = பக்க வழியாக தோன்றுகிற ஆசைக்கு,  இன்பத்துக்கு நாம் இடம் கொடுக்க கூடாது (எபி 12:1) 

4) பனை மரத்த்தின் வெளிப்பகுதி கறுப்பாக இருக்கும் = உலகத்தில் நமக்கு உள்ள பாடுகளினால் நாமும் அழகற்றவர்களாய் இருக்கிறோம் (ஏசா 53:2 இயேசு பாடுகளினால் அழகற்றவராக காணபட்டார்)

5) பனை மரத்தின் வெளிப்பகுதி கடினமாக இருக்கும் = பாவத்திற்கு விரோதமாக நாம் கடினமாக இருக்க வேண்டும். உலக அசுத்தங்கள் நமக்குள் புகாதபடி நாம் போராட வேண்டும் (எபி 12:4)

6) பனை மரத்தின் உட்பகுதி மிருதுவாக இருக்கும் = இது இரக்கம்,  நன்மை செய்யும் சுபாவத்தை காட்டுகிறது

7) பனை மரத்தின் எல்லா பாகமும் மனிதனுக்கு பயன் படுகிறது = நாமும் மற்றவர்களுக்கு உபயோகமாக இருக்க வேண்டும். 

8) பனைமரம் பலமான காற்று அடித்தாலும் கிழே விழாது. உறுதியாக இருக்கும் (தென்னை, பாக்கு மரம் பலமான காற்று அடித்தால் கிழே விழுந்து விடும்) - நீதிமான் உபத்திரவம், சோதனை போன்ற காற்று அடித்தாலும் உறுதியாக இருப்பான். பின் வாங்கி போக கூடாது.

9) பனை மரம் வானத்தை பார்த்து வளர்கிறது = நாமும் வருகையை எதிர்பார்த்து ஜிவிக்க வேண்டும் (லூக் 21:28)